Subling giawhag ni Senador LIto Lapid ang mga kaubang senador nga aprobahan ang sugyot sa paghimo sa Department of Water nga adunay sentralisadong ahensya nga motutok sa pagpondo, pagpalambo sa mga kahinguhaan ug imprastraktura ug pagpalapad sa suplay sa tubig sa nasod.
Sa maong pamahayag, si Lapid niingon nga ang tuyo sa maong sugyot mao ang pagpatuman sa gobyerno og pamaagi sa pagkolekta sa tubig baha matag adunay bagyo nga magamit sa agrikultura ug uban pa.Matod niya, nalatid kini sa Senate Bill No. 2771 naa na sa plenaryo sa Senado.
Sa samang higayon, nanawagan usab si Lapid nga magtinabangay ang gobyerno ug pribadong sektor aron masulbad ang nagbalikbalik nga problema ug krisis sa tubig sa nasud.Matud niini nga dili bisan usa ka lungsod ang mawad-an og tubig, busa kinahanglan nga ma-stabilize ug malungtaron ang suplay niini sa tibuok Pilipinas.Niadtong Septiyembre 2024, giduso ni Presidente Marcos ang pag-adjust sa pagdumala sa tubig sa nasod uban sa pagmugna sa Department of Water Resources (DWR) sa ikaunom nga tigom sa Legislative Executive Development Advisory Council (LEDAC).
Sa miaging tuig, gipirmahan sa Presidente ang Executive Order No. 22 nga nag-require sa pagmugna ug Water Resources Management Office, ubos sa pagdumala sa Department of Environment and Natural Resources (DENR).
Sa usa ka pagtuon sa UN ug UNICEF, 53% sa mga panimalay sa Pilipinas walay access sa limpyo nga tubig nga mainom.
