GENERAL SANTOS CITY – Dako ang epekto ang pagkaaresto ni MORSALEN MASHOD sa posibleng pagtindog og bag-ong grupo nga Ansar Khilafa Philippines nga mutabang sa Maute Group nga nagpahigayon og kasamok karon sa Marawi City.
Matud pa ni PDEA-12 Dir. Gil Cesario Castro, adunay katakos si Mashod human nga nahimong security escort ni Mohammad Jaafar Maguid, Alias Tokboy.
Ug gani, basi sa intelligenece report, plano ni Mashod nga mag-recruit aron subling pakusgon ang nagkabulag-bulag nga miembro sa AKP human nga napatay si Alias Tokboy.
Sa pahayag ni Dir. Castro nga narco terrorism ang nagpaluyo sa operasyon sa AKP.
Nasayran nga pormal nang gikasuhan si Mashod sa pagsupak sa RA 9156 kon comprehensive dangerous drugs act of 2002.
Kahibaluan nga hugot nga gipanghimakak sa nasampit ang alegasyon kaniya nga may kalambigitan sa bomb expert nga si Alias Tokboy.
Si Mashod ang naaresto sa operasyon sa PDEA-12 Brgy Kanalo, Maasim, Sarangani Province kaniadtong Dominggo human nga napalitan ug usa ka sachet sa droga og narekober kaniya ang unom ka sachet.
