Nagsang-at ug balaudnon si Senador Sherwin Gatchalian nga magdili sa mga bata nga ubos sa 16 anyos sa pagparehistro, paggamit, ug pagmentinar og mga account sa bisan unsang social media platform.
Ang balaodnon nagsunod sa ehemplo sa ubang mga nasud. Ang Australia ang una nga nagpatuman sa maong pagdili sa dihang gipasar niini ang Online Safety Amendment (Social Media Minimum Age Act 2024) nga nagsugod niadtong Disyembre 2025.
Sa Southeast Asia, ang Indonesia ang una nga nagpatuman sa susamang regulasyon sa dihang gidili sa Jakarta ang pag-access sa social media para sa tanang mga bata nga 16 anyos paubos.
Ubos sa Senate Bill No. 2066, ang mga social media platform providers gimandoan sa pagpatuman sa mga sistema sa pag-verify sa edad ug identidad, pagpahigayon og regular nga mga audit aron i-deactivate ang mga account sa mga menor de edad nga tiggamit, pagpatuman sa mga mekanismo sa pagreport ug pagtubag para sa pag-access sa menor de edad, ug uban pa.
