Nagpadayon gihapon ang pagdawat sa aplikasyon alang sa mga gustong mukuha og prangkisa sa pagpahigayon og operasyon sa traysikol sa syudad. Kini ang gipahibalo sa Public Safety Office gensan .
Sumala sa PSO , ang aplikasyon bukas alang sa mga bag-ong operators ug drayber nga gusto magparehistro og opisyal aron makabiyahe sa sulod sa syudad.
Lakip sa mga kinahanglanon ang kompletong papeles sama sa barangay clearance, police clearance, medical certificate ug aplikasyon form nga isumiter sa buhatan.
Gipadayag usab sa opisyal nga pinaagi sa pormal nga prangkisa, masiguro ang seguridad ug kahapsay sa trapiko, ug malikayan ang problema sa mga “kolorum” nga traysikol nga wala’y klarong dokumento ug lisensya.
Dugang pa nga ang regularisasyon sa mga traysikol importante tungod kay kini gihapon ang pinakadaghang ginagamit nga pampublikong sakyanan sa GenSan.
Dugang pa, makatabang kini sa pagmonitor sa gidaghanon sa mga traysikol aron malikayan ang sobra nga kompitisyon ug masiguro nga makatarunganon ang panginabuhian sa mga drayber.
Samtang padayon ang aplikasyon, gilauman nga mudako pa ang ihap sa mga traysikol nga legal nga makabiyahe sa syudad ug magpadayon sa pagserbisyo sa libo-libong pasahero matag adlaw.
