-- ADVERTISEMENT --
GENERAL SANTOS CITY – Gihingusgan ni Atty. Teodoro Sales nga usa ka dakong pangutana ang pamahayag ni Pangulong Rodrigo Duterte nga dakpon ang dili magpabakuna.
Matud pa niini nga walay balaod nga pugson ang usa ka tawo nga magpaturok batok sa COVID 19.
Gibutyag ni Atty. Sales nga nahadlok ang mga tawo nga magpabakuna tungod sa mga sayop nga mga impormasyon.
Mas maayo nga i-edukar ang katawhan kung unsa ang benepisyo nga maangkon kung mabakunahan batok sa COVID 19 .
Iyang nasabtan nganong nahimo sa pangulo tungod kay kung daghan ang dili magpabakuna magpadayon ang problema sa COVID 19.
Kahibaluan nga ang mga nabakunahan ang may proteksyon batok sa COVID 19 nga dili magrabehan kung matakdan.
-- ADVERTISEMENT --
