Misentro sa kalig-on sa pag-atubang sa mga hagit sa kinabuhi ang mensahe ni VP Sara Duterte alang sa Traslacion 2025.
Matod sa ikaduhang presidente, panahon na karon sa pagsaulog, sinsero nga pagtahod ug pagpasalamat sa walay kataposang gugma sa Diyos kanato.
Matud pa niya, ang Itom nga Nazareno maoy pruweba nga dili nato maatubang ang mga hagit nga mag-inusara, tungod kay ang Dios nagpadayon sa paggiya kanato, paglakaw uban kanato, ug pagpas-an sa krus alang kanato ngadto sa kaluwasan.
Dugang pa niya, ang debosyon sa Black Nazarene usa ka pruweba sa lawom nga pagsalig sa mga milagro sa Diyos nga nahimong tinubdan sa kalig-on, kaisog, ug inspirasyon aron mahimong lig-on samtang naghupot kita sa atong pagtuo ug nag-atubang sa mga hagit.
Gitawag kita aron ipakita ang pagkamapainubsanon, pagkamabination, ug kaluoy sa tanan nga nanginahanglan.
Panawagan sa bise presidente, padayon sa pag-ampo alang sa kaayohan, kaalam, ug giya samtang atong gibag-o ang atong pagtuo sa pag-ampo ug pagpamalandong sa atong misyon isip mga anak sa Dios.
Kinahanglan usab nga magpadayon kita sa pag-ampo alang sa atong nasud ug sa atong mga isig ka Pilipino, labi na sa mga nanginahanglan, mga masakiton, ug mga himalatyon.
Matod niya nga ang tanan niyang buhaton para sa Diyos, sa Katawhan, ug sa matag Pamilyang Pilipino.
