Naghimo og kaugalingong imbestigasyon ang Philippine Army kalabot sa giingong Army reservist nga sakop sa Angels of death.
Sa press conference sa Kampo Aguinaldo kaganina, si PA spokesperson Col. Louie Dema-ala nga sa ilang kaugalingong internal nga imbestigasyon, wa silay nakitang mga reservist nga nalambigit sa giingong armadong grupo sa lider sa Kingdom of Jesus Christ (KOJC) nga si Pastor Apollo Quiboloy.
Gipasalig ni Dema-ala, kon ilang masayran nga nalambigit ang kasundalohan sa maong kaso, dili sila magpanuko sa pagsilot niini.
Una nang gikataho nga gikompirmar sa Armed Forces of the Philippines (AFP) nga adunay kapin sa 500 ka army reservists nga sakop sa KOJC.
Matod ni Col. Rey Balido, Deputy Chief, Public Affairs Office sa Philippine Army, niadtong 2015 ang media network ni Quiboloy nga gitawag og 2nd signal battalion Philippine Army reserve unit kay accredited sa PA reservists.
Samtang, mahinumdoman nga gihimakak sa kampo ni Quiboloy ang pasangil kalabot sa Anghel sa kamatayon, sumala sa legal counsel niini nga si Atty. Israelito Torreon, ang pastor walay private army ug private prayer warriors lang.
