GENERAL SANTOS CITY – Gidepensahan ni City Administrator Atty. Franklin Gacal ang hangyo sa administrasyong Pacquiao nga P80M nga confidential fund niining tuiga aron mapadayon ang mga programa sa kahusay ug kalinaw.
Kini human gibati ug kabalaka ang mga minorya sa Sanggunian Panlungsod kalabutan sa dakong pagsaka sa confidential funds ni Mayor Lorelie Pacquiao ilawom sa 2024 budget.
Atul sa ika 68 nga regular sesyon ang Sanggunian Panglungsod, si presiding officer Vice Mayor Rosalita Nuñez ang nagbutyag nga may dako nga pagsaka sa Confidential ug Intelligence Funds (CIF) ngadto sa P80 million nga mas taas ug P20 million kumpara sa P60-million budget miaging tuig.
Gidiga usab Nuñez ang pagtagana ug P137 million alang sa peace and order task force samtang gikatingala nganong ang local task force gigahinan sa susama kadako nga pundo nga wala matud pay gyera sa General Santos.
Lahi usab ang pundo nga pundo sa surveillance activities aron suportahan ang mandato sa gobyerno samtang ang intelligence expenses ang pagtigum ug intelligence information sa military, police, ug intel agents sa hisgutanan sa national security.
Samtang gibutyag ni Councilor Jane Rivera nga misaka ug P50M ang special fund ni Mayor Pacquiao niining tuiga kumpara sa nasundan nga administrasyon nga P30 million nga annual fund gikan niadtong 2019 hangtud 2021.
Ang Confidential/Intelligence Fund ang gibase sa 30% sa Peace and Order and Public Safety Plan(POPS Plan).
