Gibalhin pag-usab sa hapon ang oras sa impeachment trial ni Vice President Sara Duterte aron mahatagan og mas taas nga oras ang pagdungog sa Senado.
Gikumpirma ni Senate President Sherwin Gatchalian nga adunay consensus ang mga senator-judge sa pagbag-o sa schedule nga gilauman ipatuman karong semanaha.
Sa kasamtangang setup, limitado sa buntag ang impeachment trial tungod kay magsugod ang regular nga legislative session sa Senado alas-3 sa hapon.
Gilauman nga ibalhin sa alas-10 sa buntag ang regular session aron mapadayon ang impeachment trial gikan alas-3 sa hapon.
Matod ni Gatchalian, kasagarang moabot og unom hangtod pito ka oras ang usa ka adlaw sa impeachment trial alang sa pagpamatuod sa mga saksi ug presentasyon sa mga argumento sa duha ka team.
Bisan pa niini, giila ni Gatchalian nga mahimong bug-at kini alang sa mga senador ug ilang mga staff tungod kay nag-andam usab ang Senado alang sa deliberasyon sa 2027 national budget.
Target sa Senado nga mahuman ang impeachment trial ug makapagawas og desisyon sa dili pa matapos ang Disyembre 2026.
