Gibutyag ni Senador Panfilo “Ping” Lacson nga usa ka opisyal sa Department of Public Works and Highways (DPWH) ang giingong nangayo og “insertion” o dugang pondo sa 2026 National Expenditure Program (NEP) gikan sa buhatan ni Senate Minority Leader Tito Sotto III.
Sa pakighinabi, si Lacson niingon nga si DPWH Undersecretary Maria Catalina Cabral giingong nanawag sa mga kawani ni Sotto aron mangutana kon gusto ba nila nga mosumite og mga project proposal nga mahimong isulod sa budget.
Gikumpirma ni Sotto ang maong panghitabo ug niinsister nga gibalibaran niya ang maong tanyag. Wala pa moluwat usab og pamahayag si Cabral kabahin sa maong isyu.
Kalabot niini, nitumaw ang ubang isyu sa DPWH, apil na niini ang mga ghost project nga wala makompirma ni Cabral sa miaging Senate hearing.
Kahinumduman nga si Presidente Ferdinand Marcos Jr., nga 20% sa P545 bilyones nga budget alang sa flood control projects napunta lang sa 15 ka mga kontraktor, lima niini adunay mga proyekto sa halos tanang rehiyon sa nasud.
Tungod niini, gi-postpone sa House appropriations panel ang paghisgot sa gisugyot nga P880 bilyon nga budget sa DPWH alang sa 2025, samtang naghulat sa pagsumite sa errata o kausaban gikan sa ahensya.
Sa maong mga pondo, P268 bilyon ang gigahin alang sa flood control, o kapin sa 32% sa tibuok budget sa DPWH.
Sa laing bahin, giangkon sa bag-ong DPWH Secretary Vince Dizon nga kinahanglang usbon ang budget sa ahensya tungod kay adunay mga proyekto nga nahuman na o wala na kinahanglana sa pipila ka mga lugar.
