Miubos ang presyo sa krudo sa merkado sa kalibutan human gipahibalo sa Iran nga ang Strait of Hormuz “completely open” sa mga commercials ships nga moagi niini.
Matud sa taho nikunhod ug ,$88 kada bariles ang Brent crude gikan sa kapin $98
Ang Strait of Hormuz usa ka importanteng ruta nga nagdala sa halos 20% sa lana ug liquefied natural gas sa kalibutan.
Ang Foreign Minister sa Iran nga si Abbas Araghchi miingon nga ang tanang commercials ships mahimong moagi basta adunay ceasefire sa rehiyon.
Tungod niini, misaka usab ang mga stock market sa U.S. ug Europe, diin ang S&P 500, Nasdaq, ug Dow Jones misaka og kapin sa 1%, samtang ang mga merkado sa Europa sama sa DAX sa Germany ug CAC sa France misaka og kapin sa 2%.
Angayan nga matikdan nga ang presyo sa lana misaka sa miaging mga semana tungod sa tensyon tali sa Iran ug Israel, nga miabot og kapin sa $100 kada bariles ug usahay molapas sa $119.
Bisan pa sa pag-abli sa ruta, ang ubang mga kompanya sa pagpadala nagpabilin nga mabinantayon ug miingon nga maghulat sila sa dili pa moagi sa lugar tungod sa mga isyu sa seguridad.
Samtang, ang ubang mga analista miingon nga ang presyo sa lana mahimong magpabilin nga dili kanunay mobag-o samtang ang sitwasyon sa rehiyon dili pa hingpit nga lig-on.
