GENERAL SANTOS CITY – Gikinahanglan na nga mukuha ug permit gikan sa mga ahensiya sa gobyerno ang mga online sellers nga gabaligya ug processed meat ug ubang produkto .
Kini ang pahayag ni Dr. Antonio Ephraim Marin, hepe sa City Veterinarian’s Office sa tumong nga maregulate ang pagbaligya sa processed meat products aron paglikay sa outbreak sa African swine fever gikan sa North Cotabato ug bahin sa Davao region.
Matud ni Dr Marin kini basi sa gipagawas nga Executive Order (EO) No. 40 ni Mayor Ronnel Rivera aron pakusgan ang kampanya kontra ASF.
Angayan magregister sa Department of Trade and Industry ug Food and Drug Administration ug kinahanglan usab nga mukuha ug papeles gikan sa City Mayor’s Office’s Business Permits and Licensing Division nga adunay endorsement gikan sa ilang buhatan.
Matud ni Marin nga ang mga madakpan nga musupak sa maong kamandu-an ang multahan ug P3,000 sa unang higayon ug madakpan pag-usab multahan ug P5,000.
