-- ADVERTISEMENT --
Nagpahibalo si Commission on Elections (Comelec) Chairman George Erwin Garcia nga posibleng adunay laing Bangsamoro Autonomous Region of Muslim Mindanao (BARMM) Filing of Certificate of Candidacy (COC) kon mapatuman ang postponement sa BARMM elections ngadto sa 2026.
Matod niya, mao kini ang kasagarang buhaton sa matag reseta sa eleksiyon gawas lang kon dunay balaod nga ang mga mipasaka mao ra ang kandidato kon ibalhin na ang petsa sa eleksiyon.
Kahinumduman nga si Senate President Francis “Chiz” Escudero nisang-at og balaudnon nga mag-postpone sa BARMM elections sa 2026.
Bisan pa niini, gibarogan sa komisyon nga hangtod nga dili pa kini mapasar, ipadayon nila ang ilang pagpangandam alang sa BARMM elections.
