Naglaum si Senador Imee Marcos nga sa umaabot mobalik sa Pilipinas si kanhing House Appropriations Committee chair Zaldy Co aron ipadayag ang iyang kahibalo bahin sa flood control scandal.
Sumala sa Senadora, nauna nang nagpahayag si Co sa iyang kaandam nga ipagawas ang iyang mga impormasyon kalabot sa nadiskubreng korapsyon sa mga flood control project.
Sa pagpangutana kung asa karon si Co, iyang giingon nga ang iyang nahibaw-an sa karon mao nga naa pa kini sa Europe.
Apan gipasiugda ni Marcos nga dili sayon ang pagpabalik ni Co sa Pilipinas tungod kay hugot ang Europe ilabi na sa mga kaso nga giingon niyang may kalabotan sa political oppression.
Sa katapusan, naglaum gihapon siya nga boluntaryong mobalik si Co sa nasud aron ipadayag ang iyang mga impormasyon, ug iyang gikwestyon usab ang pahayag ni Sen. Panfilo Lacson bahin sa Senate Blue Ribbon Committee hearing.
