GENERAL SANTOS CITY – Kasamtangang anaa na karun sa Alabel Municipal Police Station ang suspetsadong usa ka notoryus nga pugante nga responsable sa daghang kaso sa pagpatay og ubay ubay ang pagsulay sa pagpatay.
Matud pa kang Pmaj. Robert Fores , Hepe sa Makar police Station, nasikop sa kapulisan ang nasampit sa Barangay Apopong ning dakbayan sa Heneral Santos, kaniadtong Hulyo 5, ning kasamtangang tuig. Samtang giila sa mga otoridad ang pugante nga si Wahib Binago Tacbil alyas “Commander Bravo Dats/ Engeg Binago”, 48-anyos nga aktibong miyembro sa MILF Foreign Affairs asa nagtakuban dinhi sa siyudad isip mag-uuma.
Si Tacbil nag-atubang og duha ka kasong pagpatay nga giisyu sa managlahing korte sa Sarangani Province ug Sultan Kudarat, nga parehong walay piyansa nga girekomenda.
Samtang nag-atubang usab kini og kasong multiple attempted murder sa korte sa South Cotabato.
