GENERAL SANTOS CITY – Gibutyag ni Che Caballero, Bombo International Correspondent sa Israel, nga human sa 12 ka adlaw ug nga panagbangi tali sa Iran ug Israel, mikalma na ang kahimtang sa maong nasud human sa nauyunan nga ceasefire.
Matod pa ni Caballero, naka-experience na og normal nga kinabuhi ang mga tawo.
Makatulog na og tarong ug makagawas na sa ilang mga balay nga walay kahadlok.
Nibalik na usab sa normal ang dagan sa matag adlaw nga kinabuhi, lakip na ang pag-abli pag-usab sa mga establisemento ug negosyo.
Bisan pa man niini, nagpabiling abri ang Philippine Embassy sa Israel alang sa mga gustong mouli sa Pilipinas pinaagi sa voluntary repatriation.
Apan, gibutyag ni Caballero nga siya ug ang iyang mga kauban walay plano nga mouli sa Pilipinas tungod mas mahadlok pa silang mouli basin walay trabaho ug walay makaon diri kumpara sa ilang kahimtang sa Israel nga mas lig-on pa bisan pa sa kagubot nga ilang naagian.
