Nesthy Petecio, gipangandaman ang tulo ka mga lig-on nga boksidor nga posibleng makatigi niini sa Paris Olympics

Gipangandaman na sa Pinoy Olympian nga si Nesthy Petecio ang tulo ka mga lig-on nga mga boksidor nga makatigi niini sa umaabot nga Paris Olympics.

Matod ni Petecio, naglakip kini sa mga pambato sa Kazakhstan, Italy, ug Chinese Taipei.

Gibutyag sa atleta nga ang iyang pagpangandam wala nagpasabot nga nakaminus kini sa ubang mga boksidor nga makigsangka sa Paris Olympics apan, ang iyang gihimo nga lakang aron hingpit kini nga andam kon gani kinsa ang iyang makaaway atol sa panahon sa Olympics.

Si Petecio usa sa lima ka mga Pinoy nga boksidor nga naka-qualify sa Paris Olympics.

Diin ang laing upat niini mao sila si Eumir Marcial, Carlo Paalam, Aira Villegas ug Hergie Bacyadan.