GENERAL SANTOS CITY – Patay ang usa ka negosyante ug tag-iya sa resort sa Tupi South Cotabato human nga gipusil sa makadaghan nga higayon.
Giila ang biktima nga si Joy Magbanua Manalo, 58 anyos nga lumulupyo sa Prk. 4 Polunuling, Tupi South Cotabato.
Gibutyag nga mipadulong sa Tuazon Subdivision Brgy Poblacion Polomolok ang biktima ug sa dihang mikanaug sa sakyanan pipila lang ka segundos gipusil kini sa mga wala mailhing mga suspek.
Dead on the spot ang nahisgutan human nga nakahiagum ang biktima ug siyam ka igo sa likod nga bahin gamit ang punto 45 kalibre sa armas.
Samtang gikuha usab sa mga suspek ang grey nga Strada nga sakyanan nga adunay plate number AOA 2713.
Apan narekober sa kapulisan human nga adunay usa ka indibidwal nga nagreport sa maong sakyanan nga gibilin lang sa gawas sa ilang balay sa Tuyac Subdivision Brgy. Cannery Polomolok.
Padayon pang giimbestigahan sa kapulisan ang maong ulahing shooting incident sa lugar.
