GENERAL SANTOS CITY – Gikasugtan sa National Economic and Development Authority (NEDA) Board nga paubsan ang taripa sa bugas ug 15 percent gikan sa 35 percent hangtud 2028 isip kabahin sa paningamut sa gobyerno nga paubsan ang presyo sa humay.
Matud kang Secretary Arsenio Balisacan nga gihimo ang desisyon atul sa meeting sa Board niadtong lunes human giaprubahan ang Comprehensive Tariff Program .
Gumikan sa maong desisyon gilauman nga moubos ang presyo sa bugas samtang suportahan ang domestic production pinaagi sa tariff cover ug pagdugang ug budgetary support aron mulambo ang agricultural productivity, hilabi na ang global rice prices nga magpabilin nga elevated.
Hinuon gibutyag sa NEDA Chief nga wala magdahum nga muobos ang taripa nga magresulta sa sa pag-ubos usab sa presyo sa bugas sa mga local markets bisan pa sa epekto sa El Niño phenomenon ug pagtaas sa domestic demand.
