Nanawagan ang Pharmaceutical and Healthcare Association of the Philippines o PHAP sa gobyerno nga paspason ang proseso sa pag-aprubar sa mga tambal aron mas dali kining maabot sa mga pasyente sa nasud.
Matod ni PHAP President Dr. Diana Edralin, importante ang pagpalapad sa coverage sa mga tambal ubos sa PhilHealth ug pagsiguro nga adunay kasaligan nga suplay sa mga tambal, ilabina sa mga komunidad nga lisod maabot.
Gisugyot usab sa grupo ang pagpalapad sa network sa mga botikang accredited sa GAMOT program aron mas daghang Pilipino ang makakuha og gikinahanglang tambal, lakip na sa diabetes ug high blood pressure.
Gilauman nga pinaagi sa mas paspas nga regulatory process ug mas maayong healthcare financing, maminusan ang personal nga gasto sa mga pasyente alang sa ilang pagtambal.
