GENERAL SANTOS CITY – Gihagit sa liderato sa National Commission on Indigenous Peoples (NCIP) 12 ang lain-laing ahensya sa gobyerno sa rehiyon nga mahimong sensitibo sa kultura sa mga Lumad sa pagpatuman sa mga programa ug proyekto.
Sumala kang NCIP 12 focal person on health Dr. Nieves Cabije, matabangan ang mga tribu kung may paigo nga kahibalo sa kultura ang mga ahensya sa gobyerno.
Kini gilangkuban sa belief system, material culture, arts, economy, socio-political system, kinship pattern, healing system, language ug environment.
Matud ni Cabije nga pinaagi sa pagsabut mapaabut sa mga tribu ang serbisyo sa gobyerno.
Samtang gipaklaro niini ang importansiya sa pag-angkon ug Indigenous Peoples Mandatory Representative sa mga lokal nga gobyerno.
Matud niini nga makatabang aron mahimong hapsay nga koneksyon tali sa gobyerno sa kalambu-an sa komunidad.
