Girekomenda sa National Bureau of Investigation (NBI) ang pagpasaka og mga kasong kriminal sa Department of Justice (DOJ) batok sa kanhi head coach sa men’s basketball sa Ateneo De Manila University nga si Thomas Anthony “Tab” Baldwin ug 10 pa.
Kini may kalabutan sa kamatayon nila ni Rene Baterbonia ug Divine Adili samtang ang team giingong nagpahigayon og team building sa Dipaculao, Aurora niadtong Hulyo.
Base sa rekomendasyon sa NBI Task Force, girekomenda nila ni Baterbonia ug Adili ang pagpasaka og mga kaso sa reckless imprudence nga miresulta sa duha ka ihap sa homicide batok kang Baldwin; mga coach sa strength and conditioning nga sila si Ceasar Vincent “CJ” Elumba ug Grant Dearns; mga assistant coach nga sila si Reynaldo Jacinto Jr., Dean Caesar Castaño, Sandro Nicholas Soriano, ug Hernan Ameer “Buboy” Domingo; ug ang physical therapist sa Ateneo nga si John Eric Rueca.
Girekomendar usab sa NBI ang pagpasaka og kasong simple negligence resulting in two counts of homicide batok kang Ateneo Athletic Director Emmanuel Fernandez, ingon man kang Francisco Zubia III, Frederick Zubia, ug Yedda Mary Molina Rubio, ang tag-iya ug co-manager sa Hermanos Leisure & Agri-Farm Resort.
Ang maong rekomendasyon misangpot sa imbestigasyon nga gihimo sa NBI Homicide Division sa nahitabong pagkalumos niadtong Hunyo 8.
