Nadiskusyunan sa kampo ni Vice President Sara Duterte nga mahimong running-mate niya si former Vice President og karon Naga City Mayor Leni Robrero para sa 2028 elections.

Sumala kang kanhi Presidential Anti-Corruption Commission chairman Greco Belgica, usa si Robredo sa mga naistoryahan sa grupo nga maayo nga tandem ni Duterte.

Pahayag niya, kini tungod walay isyu nga nalambigit sa kanhi bise presidente.

Apan gibutyag usab niini nga ang nagapanguna sa ilang ginakonsidera mao si Senator Bong Go.

Nalakip usab dinhi silang Senators Robin Padilla og Rodante Marcoleta.

Sa bahin usab ni Senator Imee Marcos, layo ang posibilidad nga magkauban pag-usab ang Duterte og Marcos.