Gibasura sa Muntinlupa Regional Trial Court ang mga mosyon nga gipasaka sa mga leagal team’s sa Direktor nga si Darryl Yap ug aktor nga si Vic Sotto kalabutan sa ilahang kaugnay legal nga panagbanggi kalabutan sa kontrobersyal nga teaser sa pelikula nga ‘The Rapists of Pepsi Paloma’.
Sa desisyon sa hukuman nga giputsahan ug Enero 14, gibalibaran ang hangyo ni Yap nga iusa ang duha ka managlahing kaso kini ang petisyon ni Sotto alang sa writ of habeas data nga nagtinguha nga tangtangon ang mga materyales nga may kalabutan sa salida, ug ang kasong kriminal nga gipasaka ni Sotto batok kang Yap nga nag-akusar kaniya og 19 ka ihap sa cyber libel.
Ang korte mihukom nga ang duha ka mga kaso ang managlahi sa katuyoan, hurisdiksyon, ug proseso, busa dili angayan ang ilang paghiusa. Ang mga kaso sa habeas data ang naga sunod sa tukma nga mga lagda, samtang ang mga kaso sa cyber libel ay sakop sa Revised Rules of Criminal Procedure.
Gihatagan og gibug-aton sa korte nga ang matag kaso kinahanglan nga magpadayon nga lahi sa ilang kaugalingon nga forum..
Dugang niini, gibalibaran usab sa korte ang mosyon ni Sotto sa pag-isyu og show-cause order batok kang Yap tungod sa giingong paglapas niini sa gag order. Giangkon sa Muntinlupa RTC nga ang post ni Yap wala direktang nakalapas sa gag order, apan gipasidan-an sa korte si Yap nga ang bisan unsang umaabot nga kalapasan mahimong moresulta sa silot.
Giklaro usab sa korte nga bisan og ilang giisyu ang writ, dili kini takedown order sanglit sayop ang pagsabot sa kampo ni Sotto. Magpadayon ang legal proceedings, nga adunay preliminary hearing nga gikatakda sa Enero 15 ug summary hearing sa Enero 17, 2025.
Ang kaso nagtutok sa mga alegasyon ni Sotto nga pangguba ug malisyo nga mga pamahayag sa movie teaser ni Yap.
