Mukabat sa 12,000 ang mga trabahante sa fishport nga gilaumang mabakunahan batok sa COVID 19.
Matud pa kang Paris Ayon, sa Fishport GenSan nga angayang ilang paspasan ang pagbakuna sa 2,500 ka dose sa Sinovac vaccine nga unang gigahin alang kanila.
Sa iyang pamahayag nga mipasalig si Vaccine czar Carlito Galvez nga oras nga mahurot ang gihatag pwede na usab mangayo og dugang vaccines.
Giangkon ni Ayon nga adunay mga trabahante nga nagdumiling magpabakuna apan gipangkamutan nga mabakunahan batok sa COVID 19 aron may proteksyon.
Nasayran nga mismong si Sec. Galvez ang namahayag nga unahon ang mga trabahante sa fishport gumikan dako ang epekto sa ekonomiya kung maapektuhan sa virus.
Samtang sa miaging Sabado nagsugod ang pagbakuna sa mga trabahante sa fishport og magpadayon karong adlawa.
