Nagpagawas ang World Health Organization (WHO) sa ika-59 nga report niini bahin sa pag-ulbo sa monkeypox o Mpox sa daghang mga nasud, nga nagpakita sa padayon nga pagkaylap sa virus (MPXV) sa tibuok kalibutan.
Moabot sa 3,135 ka kumpirmadong kaso ug 12 ka namatay ang natala niadtong Septyembre sa 42 ka mga nasud, diin kapin sa 80% niini gikan sa rehiyon sa Africa.
Napulog pito ka mga nasud sa Africa ang adunay aktibo nga transmission, lakip ang Democratic Republic of the Congo, Liberia, Kenya, ug Ghana.
Ang unang mga kaso sa clade Ib MPXV gitaho usab sa Malaysia, Namibia, Netherlands, Portugal, ug Spain, ingon man lokal nga transmission sa unom ka mga nasud gawas sa Africa.
Bisan pa sa pagtaas sa mga kaso sa pipila ka mga rehiyon, ang risgo sa kinatibuk-ang populasyon nagpabilin nga ubos, sumala sa WHO.
