-- ADVERTISEMENT --
GENSAN- Pormal nga gipirmahan ni City Mayor Lorelie Geronimo Pacquiao ang Memorandum Of Agreement kon MOA tali sa LGU-General Santos City ug DepEd Gensan, gipangunahan ni Schools Division Superintendent Isagani S. Dela Cruz, CESO V.
Ang kasabutan nagtumong sa pormal nga pagbalhin sa PTA Subsidy gikan sa Special Education Fund (SEF) nga nagkantidad og ₱54M.
Kini mosuporta sa tinuig nga mga galastuhan sa PTA sa mga pampublikong eskwelahan sa siyudad.
Mitambong usab aron mosaksi sa pagpirma si Executive Assistant Lulu F. Casabuena, isip kabahin sa nagpadayon nga kolaborasyon tali sa LGU ug DepEd alang sa edukasyon.
