Nipagawas ang Metropolitan Manila Development Authority (MMDA) og pipila ka traffic reroutes alang sa umaabot nga victory parade sa mga atleta sa nasod nga nakigtigi sa Paris Olympics.
Ang double gold medalist gymnast nga si Carlos Yulo, ug ang bronze medalists nga sila si Aira Villegas ug Nesthy Petecio maoy mangulo sa Philippine team.
Gikan sa airport modiretso sila sa Philippine International Convention Center (PICC) sa Pasay City kung asa magsugod ang parada alas 3 sa hapon ug modiretso sila sa Palasyo sa Malacañang ug makigtagbo sila ni President Ferdinand Marcos Jr.
Matod sa MMDA nga ilang ipatuman ang stop-and-go traffic scheme.
Gikan sa PICC, ang convoy sa mga atleta moagi sa V. Sotto Center ug moliko sa walang bahin sa Roxas Boulevard ug sa tuo nga bahin sa P. Burgos Avenue, diretso sa Finance Road ug diretso sa Ayala Boulevard paingon sa Casal Street, Legarda Street ug muliko sa tuo nga bahin sa Chino Roces Bridge o Mendiola,ug muliko sa walaa nga bahin sa Jose Laurel Street ug sa palasyo.
Samtang ang MMDA mopakatap og dugang personnel sa mga rota sa mga convoy nga maoy mokontrol sa trapiko.
