GENERAL SANTOS CITY – Gikatakda nga ihatag sa National Housing Authority (NHA) ang wala giokopa nga area nga gihatag sa gobyerno sa mga benepisyaryo sa Guardian Hills sa Bawing ning syudad.
Matud ni Mary An Bacar, labaw sa City Housing Land and Management Office (CHLMO) nga nakadawat og mandato ang NHA kalabutan sa Balik Probinsya Program nga ang walay kapuy-an nga muuli sa tagsa-tagsa ka mga lugar gikan sa kauluhan ang nahatagan og balay.
Busa kini na usab ang gipangandaman sa syudad.
Kahibaluan nga daghang mga residente sa dakbayan ang gibalhin sa Guardian Hills.
Ang labing unang gibalhin ang nasunugan sa Purok Islam sa Dadiangas South, mga naapektuhan sa kusog nga balod sa Silway, Dadiangas West, kapin sa 100 ka pamilya sa PNB area sa Zone 6 Bula og daghan pa.
