GENERAL SANTOS CITY – Nagpaklaro si Celso Mendoza, ang labaw sa Office of the Senior Citizen (OSCA) nga ang wala na-claim nga mga pension ang gikatakda nga ihatag sa mga senior citizens.
Matud pa ni Mendoza nga sa miaging September 4, 2020 una ang schedule sa pagsugod sa pagrelease apan wala nadayon gumikan wala mitugot ang lokal nga gobyerno tungod sa pagdaghan sa kaso sa COVID 19.
Sa iyang pamahayag daghan ang pa sa mga senior citizens ang wala nakakuha sa ilang pension sa tuig 2018, 2019 og sa unang quarter sa 2019.
Gibutyag pa niini nga may tentative schedule ang ilang buhatan sa pagrelease nga matigayon sa ikaduhang semana sa bulan sa Oktobre.
Hinoon gipaklaro ni Mendoza nga nakig-alayon pa sila sa Office of the Treasurer sa schedule sa pagrelease.
Hulaton ang anunsyo gikan sa barangay og sa OSCA alang sa final schedule.
Matud pa ni Mendoza nga wala pay pamahayag ang Department of Social Welfare and Development Office (DSWD) 12 kung kanus-a ihatag ang pension sa third quarter og sa fourth quarter sa 2020.
Samtang ilang hugot sundon ang mga health protocols sa pagrelease sa pension tungod mga senior citizen ang mga benepisyaryo nga lakip sa vulenerable sector nga matakdan sa COVID 19.
