Kulang aron matabangan ang mga mamumuo sa ilang inadlaw adlaw nga galastuhan human gidugangan ug P35 ang daily wage sa National Capital Region.
Kini ang pahayag sa pipila ka Senador nga planong magduso ug wage adjustment pinaagi sa legislation.
Pinaagi matud pa sa balaud magbasi matud pa ang minimum wage sa matag region gumikan sa managlahi nga cost of living aron pag-awhag sa pagbutang ug negosyo ug mangabli ug trabaho sa mga lugar kung asa adunay ubos ang labor costs.
Matud kang Senate President Francis Escudero nga kulang kaayo ug wala matubag ang tinuod nga panginahanglan sa mga kababayan luyo sa taas nga presyo sa palaliton.
Gani kinahanglan matud pa nga balansihon sa wage boards ang demand sa management ug labor .
Gani nagpasa matud pa ang senado ug bill alang sa P100 across-the-board wage increase aron tugutan ang mga mamumuo nga maangkon ang inadlaw nga panginahanglan.
Una nga nagpasidaan ang Employers’ Confederation of the Philippines nga ang paghatag ug sobra nga increase ang magpalisod sa mga employers nga nagpasabut sa pagkawala sa trabaho ug mupataas sa inflation.
