Gipaabot sa Department of Labor and Employment (DOLE) ang tanang Regional Tripartite Wages and Productivity Boards (RTWPB) sa tibuok nasod nga mahuman na ang ilang pagrepaso sa minimum wage rates sa ilang tagsa-tagsa ka lugar sa dili pa matapos ang tuig.
Gisubli ni DOLE Secretary Bienvenido Laguesma ang impormasyon nga nahuman na sa RTWPB-NCR ang pagrepaso sa wage order niini samtang hapit na usab mahuman ang Rehiyon IV-A sa proseso sa pagrepaso. Samtang, ang RTWPBs sa Rehiyon II, VII, ug XII nagsugod na sa pagrepaso niadtong Agosto. Sa sunod nga bulan, mosunod ang Cordillera Administrative Region, Region IV-B, ug Region V ug Region VIII.
Niadtong Mayo, daghang regional wage boards sa nasud lakip na ang RTWPB-NCR ang magsugod sa pagrepaso sa ilang mga swelduhan human gimando ni Pangulong Ferdinand Marcos Jr. nga sutaon ang minimum wage rates sa matag rehiyon.
Giaprobahan sa RTWPB ang P35 nga umento sa inadlaw nga suholan sa NCR niadtong Hulyo. Buot ipasabot gipataas kini gikan sa P610 ngadto sa P645 alang sa non-agriculture sector.
