Mga otoridad nalisdan sa pagpalong sa wildfire sa South Korea gumikan kusog nga hangin

Kasubo ang gibati sa mga naapektuhan sa wildfire sa South Korea.

Matud ni Mcneil Valencia, Bombo International Correspondent sa South Korea nga sa sinugdanan naglisod ang mga otoridad sa pagpalong sa kalayo tungod kay kusog ang huros sa hangin hinungdan nga paspas nga mikaylap.

Ang grabe nga kainit sa South Korea, ang rason nganong paspas nga mikatap ang kalayo og ubay-ubay ang apektado.

Gikabutyag nga 28 ka tawo ang patay kung asa kapin sa 45,000 hectares (111,000 acres) ang naapektuhan sa sa maong sunog.

Apil sa nasunog ang 1,300 ka tuig nga templo sa Uiseong City kung asa nakuha ang mga cultural relics una naabot sa kalayo.

Nagsugod ang sunog sa Sancheong county kung asa mikatag pa sa Uiseong county.