Nabatyagan na sa mga Pilipino sa Russia ang gipatuman nga sanctions sa daghang mga nasud sa Moscow human giatake ang UKraine.
Matud pa kang Bombo International Correspondent Reynold Jamarillo sa Russia nga mihagsa ang Russian ruble human sa panghitabo.
Sa iyang pahayag nga naapektuhan gumikan sa paghagsa sa currency sa Russia human miubos ang balor sa ilang gipadala nga kwarta sa Pilipinas.
Nabalaka sila gumikan basin dili sila makapadala og kwarta sa Pilipinas tungod gi-freeze ang assets sa mga bangko sa Russia.
Luyo sa nahitabo sa Ukraine normal ang sitwasyon sa Moscow.
Ang embahada sa Russia ang gapahimangno sa mga pinoy nga dili muuban kung agdon sa ilang amo nga muadto sa Ukraine. Angayang dili magpaduol sa border sa Ukraine kung asa delikado ang sitwasyon.
Gibutyag nga dili gusto sa Russia nga muanib sa NATO ang Ukraine gumikan kung mahitabo duol na sa ilang nasud og bahad sa ilang seguridad.
