GENERAL SANTOS CITY – Sari-sari nga aktibidad ang matigayon niining bulana atul sa pagsaulog sa Fire Prevention Month.
Matud ni SFO2 Oliver John Alfeche nga nakalinya sa mga aktibidad ang community relations week, fire safety awareness contest sama sa drawing, phography, ug spoken poetry contest.
Samtang magpahigayon usab ug information and education campaign sa mga barangay lakip sa mga programa ang massive fire prevention month nga mag-imbita sa katawhan sa pag-apil sa mga aktibidad karong Marso 14 sa ipahigayon nga fire square road show sa SM Mall.
Gikadugang ni Alfeche nga kabahin sa Fire prevention Month ang magpahigayon ug rekoreda makaduha ka higayon matag adlaw aron magpahinumdum sa paglikay sa sunog.
May ipahigayon usab nga fire safety seminar, massive drill, ug massive inspections.
Sumala niini nga gikan sa bulan sa Enero hangtud Pebrero niining tuiga adunay 23 ka sunog ang natigayon ug 18 niini ang residential.
Nagpahinumdum usab kini sa publiko nga sa bulan sa Marso, Abril, hangtud Mayo makasinate ug init nga panahon ug taas kaayo ang posibilidad nga mahitabo ang sunog.
Tambag usab niini nga dili pasagdan ang giluto, kandila, posporo, ug kuryente aron makalikay sa electrical short circuit.
