Gibasol sa Department of Public Works and Highways (DPWH) ang mga nagbara nga suba ug pagpamubo sa pondo alang sa mga flood control projects isip nag-unang hinungdan sa sunod-sunod nga pagbaha nga nakaapekto sa nagkalain-laing parte sa nasod.
Sumala ni DPWH Secretary Manuel Bonoan, daghang mga suba ug estero ang bahaon tungod sa mga basura, sediment, ug uban pang mga hugaw.
Kini maoy hinungdan nganong dali ang pagbaha bisan pa sa dili kusog nga ulan. Usa pa ka dakong hinungdan mao ang pagpamubo sa budget sa mga proyekto nga tumong unta sa pagpugong sa pagbaha.
Tungod niini, daghang kritikal nga mga proyekto ang napugos nga ipahunong, ipadugay, o tapuson nga kulang sa kapasidad.
Sa karon, padayon ang pagpangita sa DPWH og mga pamaagi aron mapaayo ang implementasyon sa mga ‘long-term flood mitigation projects’ sa tibuok nasod.
