General Santos City | Grabe na ang nahimong pag-antos sa mga motorista sa padayong pagsaka sa presyo sa produktong petrolyo. Kini ang kasagaran sa mga mulo sa mga nasampit atol sa pakighinabi sa Bombo Radyo.
Matud kang Gil Fortulazo, usa ka traysikel driver, malisod alang kaniya ang pagpamasada sa kasamtangan tungod sa kataas na nga presyo sa krudo og gasolina. Dili sa tanang panahon nga nindot ang dagan sa pagbiyahe hinungdan nga magpaabot na lang og pasahero nga musakay og dili na maglibot-libot aron makapangita og pasahero.
Gibutyag niini nga angayang mapangitaan dayun sa gobyerno og solusyon nga mapaubos ang presyo sa produktong petrolyo. Sa pamahayag niini, nagdungag sa kalisod sa ilang pagbyahe ang mga PUVs nga gatanyag ug libreng sakay.
Sa bahin ni Rodolfo Flores, usa ka sikad driver, ang kita niya sa matag adlaw nga pagpamasada ang igo ra sa ilang pagkaon tungod ang halos tanang income ang nagasto na sa pagpatubil. Gibutyag niini mag-antos na lang sa kasamtangang sitwasyon.
Naka-ung-ong ang dungag P6.30 hangtod P6.60 matag litro sa presyo sa diesel samtang P2.50 hangtod P2.80 sa matag litro sa gasolina.
