GENERAL SANTOS CITY – Gipaklaro ni Kag. Lorelie Pacquiao, presidente sa Association of Barangay Captains sa syudad nga lakip sa listahan ang mga kapitan nga mabakunahan ning higayona.
Matud pa ni Pacquiao nga kini gumikan ang kapitan ang overall chairman sa Barangay Health Emergency Response Team ( BHERTs).
Ang BHERTs ang maoy nagatutok sa contact tracing sa mga nakahimamat sa mga nagpositibo sa COVID 19 .
Kahibaluan nga gikwestyon sa uban nganong unang nagpabakuna sa COVID 19 ang pipila ka mga kapitan sa syudad.
Nasayran nga silang Kapitan Rocky Garay sa Dadiangas South, Joey Dinopol sa Dadiangas East, Paolo Natividad sa Apopong ang pipila na sa mga bakunahan sa syudad.
Nasayran nga wala pa nagpabakuna si Pacquiao kung asa gilauman nga sa sunod nga batch sa vaccine mabakunahan na batok sa COVID 19.
