Katungod ni Vice-President Sara Duterte kung gipadayag na niining dili kini mutambong sa State of the Nation Address kon SONA ni Pangulong Ferdinand ‘Bongbong’ Marcos Jr. karong Hulyo 22 ug walay sayop niini.
Kini ang panglantaw ni Law expert Atty. James Reserva dungan sa pagklaro nga walay makapugos sa mga opisyal sa gobyerno ilabina sa mga tag-as nga opisyal kung dili nila gustong mutambong sa maong kalihukan.
Dugang ni Atty. Reserva, sayod na ang tanan sa bangi karon sa mga Duterte ug Marcos ug ang dili pagtambong ni VP Sara sa ikatulong SONA sa pangulo, pagpakita lang sa tanan nga dili siya makig-plastic sa pagpakig-atubang sa mga tawong dili na siya bahin sa ilang gipakigbisugan sa sinugdanan.
Gawas pa, mi-resign nang daan si VP Sara una pa ang nagkaduol nga SONA sa Pangulo.
Samtang sa pag-react sa kadaghanan sa pamahayag ni VP Sara nga iyang gitudlo ang iyang kaugalingon isip ‘designated suvivor’, gipadayag ni Atty. Reserva nga over-acting kon OA reaction lang kini.
Reaksyon matud pa kini sa mga tawong sip-sip tungod kay wala kini koneksyon sa trabaho.
Gawas pa, ang tanan nagahimo niini nga taktika aron lang mapansin sa publiko ilabina niadtong gustong makahimo og kasaba diha sa pulitika.
