GENERAL SANTOS CITY – Nagpahimangno si Dr. Marinel Animas Lim, medical officer 3 sa Dr. Jorge P Royeca Hospital sa mga kabanay sa mga pasyente nga naka-confine sa maong opsital.
Matud pa niini, kon mahimo, dili na magdala ug mga bata nga ubos ug 10 anyos ang edad kon muduaw sa ilang pasyente aron malikayan nga mataptan og mga sakit sama sa tubercolosis.
Gibutyag ni Dr. Lim, dili lamang makatakod ang TB sa mga bata apan bisan pa sa mga hamtong ilabina kadtong huyang ang resistensiya sa lawas.
Sa pahayag pa sa nasampit, ang mga muduaw ang angayang magsuot ug mask aron adunay proteksyon batok sa posibleng mutakod nga sakit..Ang Tuberculosis, usa ka sakit hinungdan sa bakterya nga gitawag nga Mycobacterium tuberculosis.
Ang bacteria kasagarang muatake sa baga, apan maghatud og komplikasyon sa ubang parte sa lawas.
Ang bakterya ang mukatag sa hangin kon ang indibidwal nga adunay TB sa baga or tutunlan ang mag-ubo, mangatsing o bisan magsulti.
