Gipahinumdoman sa Department of Labor and Employment (DOLE) ang mga employer bahin sa saktong suholan sa Ninoy Aquino Day.
Kini nga special non-working holiday gitakda matag Agosto 21 apan karong tuiga, gibalhin kini sa PBBM ngadto sa Agosto 23, Biyernes nga gibase sa holiday economic practice aron mapalambo ang domestic tourism.
Ubos sa DOLE Advisory No. 9-A, ang mga empleyado nga motrabaho karung Biyernes makadawat og dugang 30% sa ilang sweldo.
Kung ang usa ka empleyado mag-overtime, makadawat siya og dugang nga 30% sa ilang hourly rate.
Kung ang empleyado atol sa iyang dayoff apan misulod ug nagtrabaho gihapon pinasibo sa giya sa kompanya, makadawat siya og dugang nga 50% sa iyang suhol sa maong adlaw.
Dugang 30% hourly rate usab kon mag-overtime siya.
Luyo niini, ang ‘no work no pay’ nga prinsipyo magpabilin alang niadtong dili mosulod sa maong adlaw.
