Nagpahayag ug mga kabalaka ang mga economic managers kalabot sa posible nga negatibong epekto, kung mapasar ang minimum wage hike.
Matud sa mga ekonomista, ang maong usbaw sa suholan mahimong hinungdan sa pagkunhod sa Gross Domestic Product (GDP) sa nasud gikan sa 0.1% ngadto sa 0.5%, nga nagpasabot sa pagsaka sa inflation gikan sa 0.2% ngadto sa 0.8%, ug ang posibleng epekto mao ang pagsaka sa unemployment rate gikan sa 0.2% ngadto sa 0.7%.
Gipasidan-an usab nila nga ang mga micro, small, and medium enterprises (MSMEs) mahimong mawad-an usab sa ilang abilidad sa pagpadayon nga moresulta sa pagkataktak sa ilang mga empleyado ug pagsira sa ilang mga negosyo.
Bisan og napakyas ang taas nga balay-balauranan sa Kongreso sa pagpasar sa gisugyot nga P200 nga usbaw sa suholan sa mga mamumuo, malaumon ang mga labor groups nga makab-ot nila ang patas nga suholan sa mga mamumuong Pilipino.
