GENERAL SANTOS CITY – Giatangan na sa mga boxing fans sa General Santos City og Sarangani Province sa mamahimong engkwentro ni Sen. Manny Pacquiao ning adlawa kang Keith Thurman sa MGM Grand Arena, Las Vegas Nevada ning adlawa.
Kadaghanan sa mga nahinabi sa Bombo Radyo GenSan sa lungsod pabor nga mudaog ang fighting senator.
Matud sa mga nasampit, dili matud pa mamahimong “alas” ni Thurman ang iyang edad 30 anyos nga batan-on aron pildihon si Pacquiao, 40-anyos tungod kung susihon mas daghang kasinatian ang senador sa boxing career niini.
Samtang, ang pamilya Pacquiao nga wala mikuyog paingon sa Amerika ang todo ang suporta sa away sa Pambansang kamao.
Ang kalampusan ni Pacman ang kadungganan sa nasud.
Miapela og pag-ampo sa tanan alang sa malampuson og luwas nga away sa fighting senator.
Nasayran nga sama sa nakalabay nga engkwentro ni Pacman gilauman nga daw mamahimong “ghost city” kon mingaw ang kadalanan sa syudad dunagn sa away.
Kini tungod halos tanan sa mga tao nag-atang sa engkwentro sa gikonsiderang fighting senator.
