GENERAL SANTOS CITY – Mas dako na ang premyo ning higayona sa mag-atbangay sa kompetisyon sa tuna float parade.
Ang tuna float parade ang usa sa mga highlight sa tuna festival 2017 nga masaksihan sa mga katawhan sa grand opening ugma, September 1.
Una niini gibutyag ni Paris Ayon , assistant director sa Tuna Festival nga mas gipadak-an ning higayona ang premyo kon asa P300,000 ang 1st prize, P200,000 ang 2nd prize og P100,00 ang 3rd prize.
Adunay unom ka mga contigent ang apil sa maong kompetisyon kung asa ang uban ang apil gihapon isip non-competing contingent.
Ang parada gikan sa Veranza mall agi sa mga nag-unang kadalanan sa syudad lahos sa Oval plaza.
Sama sa naandan, human sa parada, makit-an gihapon sa mga katawhan ang mga float og mahimong magpakuha og hulagway gumikan i-display kini sa pipila ka mall, Oval Plaza og gilaumang didto sa Fishport.
Samtang, andam na ang usa usab sa highlights sa kasaulogan nga mao ang Bombo Bancarera nga gikatakda karong September 5.
Ipahigayon kini balik sa Queen tuna park kon asa lauman na usab nga dagsaon sa libuan katao gikan sa nagkadaiyang dapit.
