GENERAL SANTOS CITY – Ang Mexican Sinaloa Drug Cartel ang maoy bag-ong drug group nga ga-operate dinhi sa nasud.
Kini ang gibutyag ni PDEA Director General Isidro Lapeña, atul sa iyang pagpamulong sa natigayong oath-taking ng mga opisyal ng The Fraternal Order of Eagles dinhi sa dakbayan.
Katambayayong matud pa sa nahisgutang grupo sa pagpayuhot ug iligal nga droga ang mga Filipino-Chinese drug syndicate aron maka-penetrate sa Philippine drug market pinaagi sa mga drug couriers kon swallowers.
Ang mga nasampit matud pa ang maoy gapaluyo ug gaminitina sa mga shabu tiangge ug mga drug den sa Pilipinas.
Kahibaluan nga gibutyag usab ni Lapeña nga masusama sa tourism industry ang pagbaligya ug iligal nga droga sa nasud nga miabot na ug dos bilyones ka pesos.
Kini gumikan kung may upat ka milyon ka drug user sa tibuok nasud nga gagamit ug .04 grams matag adlaw, kung i-multiply sa 365 ka adlaw sa usa ka tuig sa P5,000 per gram, muabot sa P200 bilyon ang kantidad sa drug industry sa nasud matag tuig.
