GENSAN- Hugot nga nagsuporta si Mayor Jason John Joyce sa Jose Abad Santos, Davao Occidental, sa direktiba ni President Ferdinand R. Marcos Jr. nga nag-require sa tanang proyekto sa government flood control nga ipaubos sa inspeksyon ug pormal nga pagdawat sa local government units (LGUs) sa dili pa ideklarar nga kompleto.
Matud ni Mayor Joyce nga halos tanang national projects sa ilang munisipyo ang walay tarpaulin nga gibutang nga magpahibalo sa matang sa proyekto og uban pang mga detalye niini lakip ang pondo.
Sa iyang pamahayag nga sukad sa iyang paglingkod sa posisyon, ang tanang gipondohan og imlepementar nga nasudnong proyekto sa JAS ang wala miagi kaniya.
Isip usa ka tigpasiugda sa transparency ug accountability, gipasiugda ni Mayor Joyce nga ang paghatag gahum sa mga LGU sa proseso sa inspeksyon nagsiguro sa mas taas nga kalidad nga mga sumbanan, pagpugong sa mga substandard nga mga output, ug pagpatunhay sa maayong pagdumala sa tanan nga lebel.
Nasayran nga gipadayag ni Mayor Joyce ang P96.5-Million nga ghost project sa ilang munisipyo partikular sa concrete revetment sa Brgy Culaman nga gihatag ngadto sa St. Timothy Construction Corporation sa mag-asawang Discaya og gikataho nga “fully paid og natapos na niadtong 2022, apan ang konstruksyon nagsugod lang mga semana ang milabay.
