Nalingaw pag-ayo ang MaThon fans sa chemistry sa tandem nga sila si Maris Racal ug Anthony Jennings sa bag-ong romantic comedy movie.
Gipaambit sa Netflix ang teaser sa “Sosyal Climbers” nga gibidahan nila Maris ug Anthony.
Naghinamhinam na pagmaayo ang mga fans kay mao kini ang unang pelikula nila nga silang duha ang bida.
Apan ang labing namatikdan sa mga fans sa MaThon mao ang ilang kissing scene, nga mahulagway gyud nga ‘wild’.
Dal-on sa duha ang papel sa magkarelasyon nga nalambigit sa pagpang-scam sa adunahan nga mga tawo.
Base sa trailer, nagpakuno-kuno sila nga adunahan aron nga makauban sa social circles sa ilang adunahan nga mga silingan og kini gigamit nga kahigayunan aron makapangwarta.
Usa kini sa duha ka proyekto nilang Maris og Anthony human gibulgar sa ex-girlfriend ni Anthony nga si Jam Villanueva kaniadtong Disyembre 2024 ang ilang gihimo nga ginaalegar nga pagpangluib.
Pareho na nga nakahimo og pahayag si Maris og Anthony human ang isyu.
