Nakab-ot ni Manny Pacquiao ang laing makasaysayanong kalampusan sa dihang opisyal siyang nasulod sa International Boxing Hall of Fame niadtong Lunes, Hunyo 9, sa edad nga 46.
Sa iyang pakigpulong, gilantaw ni Pacquiao ang iyang ubos nga sinugdanan sa General Santos City, diin nagsugod ang iyang panaw isip usa ka aspiring boxer.
Lakip sa iyang mga kauban nga inductees mao sila si Vinny Paz, Michael Nunn, ug ang inila nga referee nga si Kenny Bayless.
Naa usab sa audience ang iyang asawa nga si Jinkee Pacquiao.
Gipaambit usab sa eight-division world champion nga iyang gigamit ang boksing aron makalingkawas sa kawad-on, ug aron makaduol sa kadaugan batok sa pipila sa labing maayong mga manggugubat sa kalibotan sama nila ni Oscar Dela Hoya, Juan Manuel Marquez, Miguel Cotto, ug uban pa.
Karong umaabot nga Hulyo, si Pacquiao mobalik sa ring aron makigsangka sa American nga si Mario Barrios alang sa WBC welterweight title sa MGM Grand, Las Vegas.
