Gidepensa sa Malakanyang ang tumong sa Executive Order No. 81 nga gipagawas ni Pang. Ferdinand Marcos Jr alang sa reorganization sa National Security Council.
Matod kang Executive Sec. Lucas Bersamin, kini aron himuong mas episyente og epektibo ang membership sa NSC.
Gibutyag ni Bersamin, sa karon wala gikonsidera nga relevant ang bise presidente sa mga responsibilidad sa konseho.
Hinuon, may gahum usab matod pa ang Pangulo nga magdugang og mga miyembro og advisers kung kinahanglanon.
Gibalasa ni Pang. Ferdinand Marcos Jr. ang mga miyembro sa National Security Council kung asa gitangtang ang bise-presidente og mga kanhi pangulo isip mga miyembro niini.
Nasayran nga kanhi na usab nakaangkon og mga kabag-ohan sa organisasyon sa NSC sa mga nakalabay nga administrasyon partikular ilawom sa liderato nilang kanhi Pang. Fidel Ramos og Gloria Macapagal-Arroyo.
