Gideklara ni President Ferdinand Marcos Jr. ang Abril 22, 2025 isip Adlaw sa Nasudnong Pagbangotan isip pag-ila sa pagtaliwan ni National Artist for Film and Broadcast Media, Superstar Nora Cabaltera Villamayor o mas nailhan nga Nora Aunor.
Base sa gipagawas nga Proclamation number 1390 (series 2022), giila si Nora Aunor isip National Artist sa natad sa pelikula ug broadcast arts tungod sa iyang talagsaong kontribusyon sa arte ug kultura sa Pilipinas.
Ang pagtaliwan ni Nora Aunor usa ka daku nga kawad-on dili lamang para sa iyang mga hinigugma kundi pati na sa tibuok nga katawhang Pilipino og sa artistic og cultural community.
Tungod sa proklamasyon, ang tanang opisina ug edipisyo sa gobyerno sa tibuok nasod ug ang mga embahada ug konsulado sa Pilipinas sa gawas sa nasod gikinahanglang ibutang ang bandera sa Pilipinas sa half-mast.
Gipirmahan ni Presidente Marcos ang proklamasyon kagahapon, Abril 21, 2025.
